കാലിഫോർണിയ ആസ്ഥാനമായി പ്രവർത്തിക്കുന്ന ഒരു ഫാഷൻ ബ്രാൻഡ് സാരിയെ 'ഡ്രേപ്പ്ഡ് മാക്സി ഡ്രെസ്' എന്ന പേരിൽ വിറ്റതാണ് പുതിയ വിവാദങ്ങൾക്ക് വഴിവെച്ചത്. ഇന്ത്യൻ പരമ്പരാഗത വസ്ത്രമായ സാരിക്ക് അർഹിക്കുന്ന അംഗീകാരം നൽകാതെ പുതിയൊരു പേരിൽ അവതരിപ്പിച്ചതിനെതിരെ സമൂഹമാധ്യമങ്ങളിൽ വൻ വിമർശനമാണ് ഉയരുന്നത്. വസ്ത്രത്തിന്റെ യഥാർത്ഥ ഉറവിടം വ്യക്തമാക്കി ക്രെഡിറ്റ് നൽകണമെന്നാണ് ഭൂരിഭാഗം ആളുകളും ആവശ്യപ്പെടുന്നത്.