ആഗോള സാമ്പത്തിക പ്രതിസന്ധികൾക്കിടയിലും ഇന്ത്യയുടെ ഒന്നാം പാദ ജിഡിപി 7.8 ശതമാനമായി ഉയർന്നു. രാജ്യത്ത് വലിയ രീതിയിലുള്ള നിക്ഷേപങ്ങൾക്ക് ഇത് വഴിയൊരുക്കുമെന്ന് ബ്ലൂംബർഗ് റിപ്പോർട്ട് ചെയ്യുന്നു. ക്രൂഡ് ഓയിൽ വിലവർധനവ്, രൂപയുടെ മൂല്യത്തകർച്ച തുടങ്ങിയ വെല്ലുവിളികളെ മറികടന്നാണ് സമ്പദ്‌വ്യവസ്ഥ ഈ നേട്ടം സ്വന്തമാക്കിയത്. എന്നാൽ, പ്രധാനമന്ത്രി നരേന്ദ്ര മോദിയുടെ അവകാശവാദങ്ങൾ തള്ളിയ കോൺഗ്രസ് അധ്യക്ഷൻ മല്ലികാർജുൻ ഖാർഗെ, ഈ കണക്കുകൾ സർക്കാരിന്റെ വെറും 'പിആർ' തന്ത്രം മാത്രമാണെന്നും രാജ്യത്ത് വിലക്കയറ്റവും തൊഴിലില്ലായ്മയും രൂക്ഷമാണെന്നും വിമർശിച്ചു.