ഹാപ്പിയസ്റ്റ് മൈൻഡ്‌സ് ടെക്നോളജീസിന്റെ 22.1 ശതമാനം ഓഹരികൾ 1,330 കോടി രൂപയ്ക്ക് ഐ.ടി.സി ഇൻഫോടെക് ഏറ്റെടുക്കുന്നു. ഇതിന് പിന്നാലെ ഇരു കമ്പനികളും തമ്മിലുള്ള ലയനവും നടക്കും. 2028 സാമ്പത്തിക വർഷത്തോടെ ഒരു ബില്യൺ യു.എസ് ഡോളർ വരുമാനമുള്ള ഒരു AI First Global Technology Services Enterprise സൃഷ്ടിക്കുകയാണ് ഈ നീക്കത്തിലൂടെ ലക്ഷ്യമിടുന്നത്. ലയന വാർത്ത പുറത്തുവന്നതിന് പിന്നാലെ ഐ.ടി.സി ഓഹരികൾ 4.5 ശതമാനം ഉയർന്നപ്പോൾ, ഹാപ്പിയസ്റ്റ് മൈൻഡ്‌സ് ഓഹരികളിൽ 12 ശതമാനത്തിന്റെ കനത്ത ഇടിവ് രേഖപ്പെടുത്തി. 83-കാരനായ വ്യവസായ പ്രമുഖൻ അശോക് സൂതയുടെ പടിയിറക്കത്തിനും ഈ ലയനം വഴിയൊരുക്കും.