തായിഫ്: സൗദി അറേബ്യയിലെ തായിഫ്-റാനിയ റോഡിലുണ്ടായ ദാരുണമായ വാഹനാപകടത്തിൽ രണ്ട് മലയാളി നഴ്‌സുമാർ ഉൾപ്പെടെ അഞ്ച് പേർ മരിച്ചു . കോട്ടയം ജില്ലക്കാരായ രണ്ട് നഴ്‌സുമാരാണ് അപകടത്തിൽപ്പെട്ടത്.
കോട്ടയം അയർക്കുന്നം സ്വദേശിനി ജെയ്‌സി മോൾ മാത്യു, കോട്ടയം കുറുമല്ലൂർ സ്വദേശിനി ആനച്ചേരി അഞ്ചാകുന്നേൽ ജോബിന ജോണി എന്നിവരാണ് കൊല്ലപ്പെട്ട മലയാളി നഴ്‌സുമാർ. തായിഫ് ഗവർണറേറ്റിലെ വിവിധ ക്ലിനിക്കുകളിൽ ജോലി ചെയ്തുവരികയായിരുന്നു ഇരുവരും.
അപകടത്തിന്റെ വിവരങ്ങൾ..
അവധിദിനമായ വെള്ളിയാഴ്ച ഷോപ്പിംഗിനായി സൗദി പൗരന്റെ കാറിൽ സഞ്ചരിക്കുന്നതിനിടയിലാണ് ഇവർ സഞ്ചരിച്ച വാഹനം അപകടത്തിൽപ്പെട്ടത്.
അതിവേഗതയിലോ നിയന്ത്രണം വിട്ടോ അശ്രദ്ധമായ ഡ്രൈവിംഗോ ആകാം അപകടകാരണമെന്നാണ് പ്രാഥമിക നിഗമനം. അപകടത്തിന്റെ ആഘാതത്തിൽ കാറിലുണ്ടായിരുന്ന അഞ്ച് പേരും സംഭവസ്ഥലത്തുതന്നെ മരിക്കുകയായിരുന്നു.
മൃതദേഹങ്ങൾ നാട്ടിലെത്തിക്കാനുള്ള നടപടികൾ
അപകടത്തെ തുടർന്ന് മൃതദേഹങ്ങൾ നിലവിൽ റാനിയ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
നിയമപരമായ നടപടിക്രമങ്ങൾ പൂർത്തിയാക്കി മൃതദേഹങ്ങൾ എത്രയും പെട്ടെന്ന് നാട്ടിലെത്തിക്കാനുള്ള തീവ്രശ്രമത്തിലാണ് നോർക്ക റൂട്ട്‌സും ബന്ധപ്പെട്ട പ്രവാസി സംഘടനകളും.