കുവൈത്ത് സിറ്റി: ഇൻഷുറൻസ് മേഖലയിലെ നിയമങ്ങളും ചട്ടങ്ങളും പാലിക്കുന്നുണ്ടെന്ന് ഉറപ്പാക്കുന്നതിനായി ഇൻഷുറൻസ് റെഗുലേറ്ററി യൂണിറ്റും ആഭ്യന്തര മന്ത്രാലയവും സംയുക്ത പരിശോധന നടത്തി.
ഇൻഷുറൻസ് മേഖലയിലെ സ്ഥാപനങ്ങളും പ്രവർത്തനങ്ങളും നിലവിലുള്ള നിയമങ്ങളും നിയന്ത്രണങ്ങളും പാലിക്കുന്നുണ്ടോയെന്ന് പരിശോധിക്കുന്നതിനും നിയമലംഘനങ്ങൾ കണ്ടെത്തുന്നതിനുമാണ് പരിശോധന നടത്തിയത്.
നിയമവിരുദ്ധ പ്രവർത്തനങ്ങൾ കണ്ടെത്തിയാൽ ആവശ്യമായ നിയമനടപടികൾ സ്വീകരിക്കുമെന്നും ഇൻഷുറൻസ് മേഖലയിലെ നിയന്ത്രണ സംവിധാനങ്ങൾ കൂടുതൽ ശക്തിപ്പെടുത്തുന്നതിനുള്ള നടപടികൾ തുടരുമെന്നും അധികൃതർ വ്യക്തമാക്കി.