രഞ്ജി ട്രോഫി എലൈറ്റ് ഗ്രൂപ്പിൽ ഉത്തർപ്രദേശിനെതിരായ മത്സരത്തിന് മുന്നോടിയായി ബിഹാർ ക്രിക്കറ്റ് ടീമിൽ പ്രധാന മാറ്റങ്ങൾ പ്രഖ്യാപിച്ചു. മുൻ താരം അശുതോഷ് അമനെ ബിഹാർ സീനിയർ ടീമിന്റെ മുഖ്യ പരിശീലകനായി നിയമിച്ചപ്പോൾ, സഖിബുൽ ഗനി ക്യാപ്റ്റൻ സ്ഥാനത്ത് തുടരും. ഒക്ടോബർ 11 മുതൽ 14 വരെയാണ് ബിഹാറും ഉത്തർപ്രദേശും തമ്മിലുള്ള മത്സരം നടക്കുന്നത്. ബിഹാർ ക്രിക്കറ്റിന് വലിയ മുന്നേറ്റമേകി രാജ്ഗീറിലെ അത്യാധുനിക സ്റ്റേഡിയവും മത്സരങ്ങൾക്കായി ഒരുങ്ങിയിട്ടുണ്ട്.