കുവൈത്ത് സിറ്റി: പ്രാദേശിക മത്സ്യവിപണനം ശക്തിപ്പെടുത്തുന്നതിനായി കുവൈത്തിൽ താൽക്കാലിക മത്സ്യച്ചന്ത ആരംഭിക്കുന്നു. ചന്തയിൽ ഏകദേശം 160 സ്റ്റാളുകൾ അനുവദിക്കും.
കുവൈത്തിൽ ലഭിക്കുന്ന പ്രാദേശിക മത്സ്യവിഭവങ്ങൾക്കും ചെമ്മീൻ ഉൾപ്പെടെയുള്ള സമുദ്രോൽപ്പന്നങ്ങൾക്കും വിപണനസൗകര്യം ഒരുക്കുകയാണ് ലക്ഷ്യം. കുവൈത്ത് ചെമ്മീൻ എന്നറിയപ്പെടുന്ന റുബിയാൻ കുവൈത്തി ഉൾപ്പെടെയുള്ള മത്സ്യവിഭവങ്ങൾ ചന്തയിൽ ലഭ്യമാകും.
മത്സ്യത്തൊഴിലാളികൾക്കും വ്യാപാരികൾക്കും ഉപഭോക്താക്കൾക്കും പ്രയോജനപ്പെടുന്ന രീതിയിൽ വിപണനമേഖലയെ സജീവമാക്കാൻ പുതിയ ചന്ത സഹായിക്കും. വിവിധ മത്സ്യവിഭവങ്ങൾ ഒരിടത്ത് ലഭ്യമാക്കുന്നതിലൂടെ ഉപഭോക്താക്കൾക്ക് കൂടുതൽ തിരഞ്ഞെടുപ്പുകളും പ്രാദേശിക ഉൽപ്പന്നങ്ങൾക്ക് വിപുലമായ വിപണനസൗകര്യവും ലഭിക്കും.