ദോഹ: സീസണൽ ഇൻഫ്ലുവൻസ വ്യാപനം തടയുന്നതിനായി ഖത്തറിലെ പ്രൈമറി ഹെൽത്ത് കെയർ കോർപ്പറേഷൻ ആരോഗ്യകേന്ദ്രങ്ങളിൽ പ്രതിരോധ കുത്തിവയ്പ്പ് സൗജന്യമായി ലഭ്യമാക്കി.
കാലാവസ്ഥാ മാറ്റങ്ങളോടനുബന്ധിച്ച് പകർച്ചപ്പനി വ്യാപിക്കാനുള്ള സാധ്യത കണക്കിലെടുത്താണ് പ്രതിരോധ പ്രവർത്തനങ്ങൾ ശക്തിപ്പെടുത്തുന്നത്.
ഇൻഫ്ലുവൻസ മൂലമുള്ള ഗുരുതരമായ ആരോഗ്യപ്രശ്നങ്ങളും ആശുപത്രി പ്രവേശനവും കുറയ്ക്കുന്നതിൽ പ്രതിരോധ കുത്തിവയ്പ്പ് പ്രധാന പങ്കുവഹിക്കുന്നു.
പ്രത്യേകിച്ച് വയോജനങ്ങൾ, ഗർഭിണികൾ, ദീർഘകാല ആരോഗ്യപ്രശ്നങ്ങളുള്ളവർ, ഗുരുതര രോഗസാധ്യത കൂടുതലുള്ളവർ എന്നിവർക്ക് വാക്സിനേഷൻ പ്രധാനമാണ്.
പ്രതിരോധ കുത്തിവയ്പ്പുമായി ബന്ധപ്പെട്ട കൂടുതൽ വിവരങ്ങൾ ലഭിക്കുന്നതിന് സമീപത്തെ PHCC ആരോഗ്യകേന്ദ്രത്തെ സമീപിക്കാം.