ഹോർമുസ്, ബാബ് അൽ മന്ദബ് കടലിടുക്കുകളിലെ കപ്പൽ ഗതാഗതത്തിന് നേരെയുള്ള ആക്രമണങ്ങൾ അവസാനിപ്പിക്കണമെന്ന് കുവൈത്ത്

അന്താരാഷ്ട്ര കപ്പൽ ഗതാഗതത്തിന് ഭീഷണിയാകുന്ന തരത്തിൽ ഹോർമുസ്, ബാബ് അൽ മന്ദബ് കടലിടുക്കുകളിൽ നടക്കുന്ന ആക്രമണങ്ങൾ ഉടൻ അവസാനിപ്പിക്കണമെന്ന് കുവൈത്ത് ആവശ്യപ്പെട്ടു. ആഗോള വ്യാപാരത്തിന്റെയും സമുദ്ര സുരക്ഷയുടെയും സംരക്ഷണത്തിന് തടസ്സമില്ലാത്ത കപ്പൽ സഞ്ചാരം അനിവാര്യമാണെന്ന് കുവൈത്ത് വ്യക്തമാക്കി. സമുദ്ര പാതകളുടെ സുരക്ഷ ഉറപ്പുവരുത്താൻ അന്താരാഷ്ട്ര സമൂഹം കൂട്ടായി പ്രവർത്തിക്കണമെന്നും രാജ്യം ആഹ്വാനം ചെയ്തു.