ടോക്യോ — 1979ൽ ആദ്യ വോക്ക്മാനൊപ്പം പുറത്തിറക്കിയ എംഡിആർ–3 ഹെഡ്‌ഫോണിന്റെ രൂപകൽപ്പന പുതുക്കി സോണി എംഡിആർ–3ആർ അവതരിപ്പിച്ചു. പഴയ മോഡലിന്റെ സവിശേഷ രൂപം നിലനിർത്തിയ പുതിയ വയർഡ് ഹെഡ്‌ഫോണിൽ യുഎസ്‌ബി–സി കണക്ഷനും മൈക്രോഫോണും കേബിളിൽ ഘടിപ്പിച്ച നിയന്ത്രണ ബട്ടണുകളുമുണ്ട്.
പഴയ മോഡലിന്റെ ശബ്ദസ്വഭാവത്തോട് അടുത്തുനിൽക്കുന്ന രീതിയിലാണ് പുതിയ പതിപ്പും ക്രമീകരിച്ചതെന്ന് സോണി അറിയിച്ചു. നെറ്റ്ഫ്ലിക്‌സ് പരമ്പരയായ സ്ട്രേഞ്ചർ തിങ്‌സിനെ ആസ്പദമാക്കിയ പ്രത്യേക പതിപ്പും പുറത്തിറക്കും. സാധാരണ മോഡലിന് യുഎസിൽ ഏകദേശം 60 ഡോളറാണ് വില.